FUNNY
SMS JOKES

Main aaina hoon wo mera khayal rakhti hai
Main tut'ta hoon to chunn kar sambhal rakhti hai

Har aik shai ka wo hall bhi nikaal rakhti hai
Zaheen hai mujhey hairat mein daal rakhti hai

Main jab bhi tarq e taalluq ki baat karta hoon
Wo rokti hai mujhey, kal pe taal rakhti hai

Wo mere dard ko chunti hai apne pouron se
Wo mere wastey khud ko nidhal rakhti hai

Wo dubney nahi deti hai dukh k darya mein
Merey wajood ki nao uchhal rakhti hai

Dua'ain uski balao'n ko rok leti hain
Wo merey char soo aisa hisaar rakhti hai

Ik aisi dhunn k nahi maine fir kabhi bhi suni
Wo munfarid sa hansi mein kamal rakhti hai

Usey nidamatain meri kahan gawara hain
Wo merey wastey aasan sawal rakhti hai